Saturday, August 21, 2010

॥ गीत ॥-प्रेम गुरुङ

॥ गीत ॥by Prem Gurung on Wednesday, August 18, 2010 at 8:09pm
-प्रेम गुरुङ रामादी, कास्की - २०६७ आषाढ १७
------------------------------------------------------

तिमी सँग मनका कुरा भन्न मन लाग्छ ॥
तिम्रो सिँउँदो रँगाएर जिउन मन लाग्छ ॥

फकि्रएको फूल जस्तो रहेछ तिम्रो जोवन ॥
टिपुँ टिपुँ जस्तो लाग्छ भनी रहन्छ यो मन ॥

लज्जावती जस्ती हुन्छयौ तिमी लजाउँदा ॥
धड्कन मेरो बडी दिन्छ समिपैमा आउँदा ॥

ओँट टोकि हाँस्दा तिमी छछल्किन्छ रुप ॥
तिम्रो मुस्कान देखेर लोभिन्छ मेरो मन ॥

॥ खोजि रहेछ यो मन । तिमीलाई नै ॥-प्रेम गुरुङ, देउराली-७, रामादी, कास्की -२०६७ आषाढ २२

॥ खोजि रहेछ यो मन । तिमीलाई नै ॥by Prem Gurung on Wednesday, August 18, 2010 at 8:20pm
----------------------------------------

खोजि रहेछ यो मन । तिमीलाई नै ॥
देखि रहन्छु सपनीमा । तिमीलाई नै ॥
के भयौ र तिमीलाई ? कि भएनौ र सन्चो ??
कि सतायौ र तिमीलाई ? मेरो सम्झनाले ॥

गाह्रो हुँदो रहेछ जिउन । तिमी देखि टाडा हुँदा ॥
जिउँदो लाश झैँ हुँदो रहेछ । विछोडीनु पर्दा ॥
यस्तै हुँदो हो तिमीलाई पनि । मेरो सम्झनाले ॥
सवै बैरी बने होलान् । सहरा नहुनाले ॥

के गर्दी होली तिमी ? त्यो विरानो ठाउँमा ॥
छटपटीदा हुन् वेदनाले । मेरो याद आउँदा ॥
हेर्दी होली मलाई नै ! दोवाटोमा कुरी ॥
गर्दी होली कामना तिमी ! मेरो आगमनको ॥


मलाई पनि कहाँ छ र मन ? बस्न तिमी देखि टाढा ॥
रुन्न होला र मेरो यो मन ? तिम्रो याद आउँदा ॥
नदुःखेको कहाँ छ र यो मन ? बाध्यततामा जिउनु पर्दा ॥
खोजि रहेछ यो मन । केवल तिमीलाई नै ॥

॥ गीत ॥

॥ गीत ॥by Prem Gurung on Wednesday, August 18, 2010 at 8:34pm

॥ गीत ॥-प्रेम गुरुङ २०६७ श्रावण २



तिमी भन्छयौ सम्झनामा नआईदेउ ॥

चर्केको मुटु दुःखाउन ॥

तिमीले दुवाली छेक्यौ आँशुको भेल बडाउन ॥



जानै परयो जाउ भने पछि ॥

मन छैन मलाई फर्केर हेर्न ॥

देख्यौ खालि मेरो नयनलाई ॥

हानेको होईन तिखो निशान ॥



कुनै वेला सँगै थियौँ दोवाटोमा ॥

भन्यौ कसरी एक्लै छु गोरोटोमा ॥

गयौ तिमी के के सोँची ॥

दोधारमा परयौ कसरी ॥



दिन हुन्न टुट्न त्यो कोमल ह्रदयलाई ॥

मुटुको कुनै कुनामा प्यार बाँकी छ भने ॥

धेरै छन् उपयाहरु सिलाउने ॥

तिमी भन्छयौ भने मै सिलाई दिउँला ॥

॥ बुझनै सकिन ॥

॥ बुझनै सकिन ॥by Prem Gurung on Wednesday, August 18, 2010 at 8:28pm
- प्रेम गुरुङ देउराली-७ रामादी कास्की(हाल अफगानिस्तान २०६७ आषाढ २६)



सुस्ताउँछ बतास पनि आउदा तिमी बुझनै सकिन ॥

जुदायौ नयन मसँग मस्किएर मुस्कान बुझनै सकिन ॥



कहिले जिस्किन्छौ कहिले ठूस्किन्छौ बुझनै सकिन ॥

अनुहार तिम्रो पढ्न खोजेँ जवाफ पाउनै सकिन ॥



झिमझिम परेला तिम्रो नयनको भाका बुझनै सकिन ॥

फरफराउँदै ओँठ तिमीले के के भन्यौ बुझनै सकिन ॥



क्यानभाषमा कोर्न खोँजेँ तिम्रो तस्वीर कोर्नै सकिन ।

स्पर्श गरयौ समिपै आई तिमीले मन थाम्नै सकिन ॥

Monday, July 5, 2010

।। गजल ।। - प्रेम गुरुङ-, देउराली-७, रामादी, कास्की (हाल अफगानिस्तान)

।। गजल ।।
- प्रेम गुरुङ-, देउराली-७, रामादी, कास्की (हाल अफगानिस्तान)

तड्पाई गयौ तिमी । जलन मुटुमा छोडी ॥
विकल्प छैन मेरो सहनुको । सम्झेर अतितका पलहरु ॥

विथोलि गयौ ति मिठा सपना । मेरा निँदहरुमा आई ॥
वल्झाइ गयौ ति मेरा । सुकी सकेका घाउलाई ॥

खुशी थिएँ तिम्रो साथ पाउँदा । जिउने भो जीवन सँगै ॥
भेलमा रुमल्लिएँ म । छोड्दा तिमीले वीच सागर मै ॥

Saturday, July 3, 2010

"असफता नै सफलताको पहिलो खुडकिलो हो ।"

प्यारी बहिनी,
शुभ आशिर्वाद !!



प्रवेशिका परिक्षा एस.एल.सि. २०६६ को नतिजा प्रकाशन सानो ठिमी भक्तपुरले हिजो मात्र प्रकाशित गरयो ६४ प्रतिशत विद्यार्थीहरु उत्तिर्ण हुन सफल भयो । हिजो दिन भरी नै नतिजा प्रकाशनको आशामा www.slc.ntc.net.np, www.doe.gov.np, www.moe.gov.np, www.educationsansar.com आदि साईटहरु browsing गर्दै बसें । थकित भएर तिम्रो नतिजाको प्रतिक्षा गर्दै भुसुक्कै निँदाएको रहेछु । विहान मात्र व्युँझिए पछि हतार हतार MWR Internet Cafe मा छिरें ।

बहिनी दुःखको कुरा मैले तिम्रो सिम्बल नं. फेला पार्न सकिन । एउट प्रदेशी दाज्युले तिमीबाट ठूलो आशा राखेको छु । किन कि कल्चौरी र पन्चले पढ्न तिर ध्यानै दिएन । एक पटक परीक्षामा असफल भयो भन्दैमा मेरो सवैथोक खत्तम भयो भनेर कदापि नसोँच तिमीले । जस्ले परिक्षा दिएको हुन्छ उस्ले कि त पास हुन सक्छ कि त फेल । जस्ले परिक्षा नै दिएको छैन त्यसले म पास अथवा फेल भएँ भनेर कहाँ भन्न पाउछ र कि कसो ? मलाई थाहा छ, तिमी भित्र कस्तो अनुभुति भैरहेको छ भनेर ! दाइ, भाउज्यु, आमा अनि साथीभाइ साथै गाउलेले के भन्लान् भनेर समय खेरा फाल्नुको सटट कम्जोरीलाई पहिल्याएर त्यस्लाई सुधार्न तिर अहिले नै लागे राम्रो हुने छ । हो, मैले पनि यस्ता परिक्षा कति दिएँ कति दिएँ ! कुनै सफत त कुनै असफल । तिमी भन्दा जेठो भएको नाताले धेरै अनुभव गरि सकेको छु र तिता मिठा पलहरु पनि । सवै पल सुखद नै हुनु पर्छ भन्ने पनि छैन र दुःखद पनि । हो अहिले तिमी लगाएत हामी सवैलाई दुःखद अनुभुति भइरहेको छ । यो एउटा परिक्षणको घडी पनि हो तिम्रो र हाम्रो ।

"असफता नै सफलताको पहिलो खुडकिलो हो ।" यस कथनलाई मनन् गरि तिम्रो प्रमुख उद्देश्य के हो ? त्यो पुरा गर्न तिर अहिले देखि नै कम्मर कसेर शुभ कार्यमा ढिलो नगर ल । तिम्रो भाउज्युले भन्दै थिइन् - "अंग्रेजी विषयमा लागेको छ ।" भनेर । यता उता नअल्मलिकन अहिले देखि नै त्यस विषयको तयारीको लागि शुरु गरि हाल । पुरक परिक्षाको अवसरलाई सदुपयोग गरि सफलताको बाटो तिर उन्मुख हुने छ भन्ने आशा राख्द छु मेरो र आशिर्वाद र शुभ कामना !

तिमी लगाएत रामादी गाउँबाट प्रवेशिका परिक्षामा सम्मिलित सवै जना (रोशन क्होला, माया क्रहोन्छै, रेणु प्हच्यु, धनकाजि क्होला) अनुत्तिर्ण भएकोमा दुःख लागि रहेको छ । उनीहरुलाई पनि मेरो तर्फबाट भन्नु कि कोशिष गरेर फेरि पनि कत्ति पनि अविचलित भएर परीक्षाको लागि तयारी गरी पुरक परिक्षा दिई सफल हौ र यही छ मेरो आशिर्वाद र शुभ कामना !


उही प्रदेशी दाइ,
प्रेम प्हच्यु तमु
अफगानिस्तान

Thursday, July 1, 2010

॥ पाएर तिम्रो साथ ॥

॥ पाएर तिम्रो साथ ॥
-प्रेम गुरुङ रामादी, कास्की - २०६७ आषाढ १६

निर्जन यो जीवनमा ।
बहार बनी आयौ तिमी ॥
सहरा दियौ वेसाहरालाई ।
विक्षिप्त जीवन विताउद ॥
पलाउन थाल्यो जिउने आशा ।
पाएर तिम्रो साथ । पाएर तिम्रो साथ ॥